In ludis scaenicis poetae pulchras fabulas populo docent. Fabularum poeta Titus Maccius Plautus est; a Plauto Romanis multae fabulae palliatae scribuntur; in fabulis palliatis narratur dominorum et servorum cotidiana vita: saepe a servis dolo domini falluntur et dominorum filii defenduntur. Alius palliatarum poeta est Terentius; Terentius Afer dicitur quia ab Africa venit. In Terentii fabulis saepe domini cum filiis contendunt. Quintus Ennius et Aulus Pacuvius fabularum praetextarum poetae sunt; fabulae praetextae gloriam Romanae historiae et victoriam copiarum et facta virorum clarorum celebrant. Plauti et Terentii nunc exstant multae fabulae, sed Ennii et Pacuvii parva fragmenta in Auli Gellii libris legimus.
- Latino
- Lingua Magistra 1
- Versioni dai Libri di Esercizi
