Cum ordinaret rei publicae statum, fastos correxit qui iam pridem vitio pontificum per intercalationis licentiam adeo turbati erant, ut neque messium feriae aestate neque vindemiarum autumno competerent; annumque ad cursum solis accommodavit, ut trecentorum sexaginta quinque dierum esset et unus dies quarto quoque anno1intercalaretur. Quo autem magis in posterum ex Kalendis Ianuariis novis temporum ratio congrueret, inter Novembrem ac Decembrem mensem interiecit duos alios; fuitque is annus, quo ea constituebantur, quindecim mensium cum intercalario, qui ex consuetudine in eum annum inciderat.
- Latino
- Lingua Magistra 1
- Versioni dai Libri di Esercizi
