Scimus Periclem maxime pium fuisse et deos semper coluisse. Itaque, cum Persae victi essent, diis maximas gratias agere statuit. Erat in urbe collis quidam in quo reliquiae arcis antiquae supererant. Pericles non ignorabat illum collem iucundissimum esse, imprimis Minervae, Iovis filiae. Nam Athenienses putabant Minervam inter omnes urbes Athenas amare et colere. In eo igitur colle pulcherrima templa, Phidia monente, aedificata sunt, et, cum opus confectum esset, spectaculum mirum fuit Atheniensibus. Haud procul lato altoque vestibulo, parvum et pretiosissimum Victoriae templum videbatur. Post vestibulum Via Sacra incipiebat, quae ad Parthenonem ducebat. Hoc Minervae templum erat, e marmore factum, plurimis columnis circumdatum, praeclare pictum et miris figuris a Phidia, ornatum. Nemo ignorat Phidiam arteficem omnium peritissimum fuisse.
- Latino
- Versioni Latinum Vertere
- Versioni dai Libri di Esercizi
