Un grave pericolo per l'economia

In mari nostro multi piratae frequentes insidias parabant mercatoribus qui navigabant: petebant eos, qui Alexandria ad insulas Cyprum, Rhodum, Samum, vel ad Peloponnesum velificabant. Postquam piratae mercatores nautasque ceperant, eos Deli, Rhodi, ubi servorum mercati erant, in servitutem vendebant. Deli veterem aedem Apollinis aliquando spoliaverunt; in insulis Cnido Rhodoque saepe incolas rapuerunt. Ex Asia, ex Syria, ex Aegypto, Ex Africa, ex Hispania, ex Italia frequens numerus infelicium hominum confluxerat, qui piratarum multitudinem augebant. Quoniam interdum ad Siciliam navigabant atque in Italiae oris maritimis se ostendebant, paeninsulae omnes incolae tuti non erant: olim Antonii, Romani triumviri, sororem e villa ad Misenum sita rapuerant. In agris agricolas opprimebant et saepe etiam in via Appia viatores qui Romam vel Brundisium petebant. Vere tandem Pompeius cum legatis ingentique classe ex Italia processerat, per multos menses pugnavit atque totum mare nostrum purgavit et fere universos piratas cepit divitemque praedam Romam duxit.