P. Sulpicius tribunus plebis disertus acer opibus gratia amicitiis vigore ingenii atque animi celeberrimus cum antea rectissima voluntate apud populum maxumam quaesisset dignitatem quasi pigeret eum virtutum suarum et bene consulta ei male cederent subito pravus et praeceps se C. Mario post septuagesimum annum omnia imperia et omnes provincias concupiscenti addixit legemque ad populum tulit […]

Bellum deinde Iugurthinum Q. Metellus gessit, dux nulli secundus saeculi sui. Huius legatus fuit C. Marius, natus non infimo loco, hirtus atque horridus vitaque sanctus, quantum bello optimus tantum pace pessimus, immodicus gloriae, honorum cupidus, effrenatus semperque inquietus, Hic per publicanos aliosque in Africa mercatores vituperavit Metelli lentitudinem in bello, eius nobilitatis superbiam et cupiditatem […]

Fere anno octogesimo(=ottocento anni) post Troiam captam, centesimo et vigesimo(=centoventi) quam(=da quando) Hercules ad deos excesserat, Pelopis progenies,cum omni hoc tempore.pulsis Heraclidis, Peloponnesi imperium obtinuisset,ab Herculis progenie expellitur.Duces electi sunt ut imperium recuperarent Temenus,Cresphontes,Aristodemus.Eodem fere tempore,Athenae sub regibus esse desierunt:ex iis ultimus fuit Codrus,Melanthi filius. Cum Laecedemonii gravi bello Atticos premerent respondissetque Pythius victore futuros […]

Tum Caesar et Antonius traiecerunt exercitus in Macedoniam et apud urbem Philippos cum Bruto Cassioque acie concurrerunt. Cornu, cui Brutus praeerat, impulsis hostibus castra Caesaris cepit (nam ipse Caesar, etiamsi infirmissimus valetudine erat, obibat munia ducis, oratus etiam ab Artorio medico, ne in castris remaneret, manifesta denuntiatione quietis territo), id autem, in quo Cassius fuerat, […]