Agesilaus Lacedaemonius a multis auctoribus historicis et eximie a Xenophonte, Socratis discipulo, magnis laudibus collaudatus est, quia in magna amicitia erant. Agesilaus de regno cum Leotychide, fratris filio, habebat contentionem, quod propter antiquum institutum Lacedaemonii duos habuerant semper reges, nomine magis quam imperio, ex duabus familiis Procli et Eurysthenis, qui Spartae primi reges fuerunt. Decesserat Agis rex, frater Agesilai. Filium reliquit Leotychidem, quem antea non agnoverat, sed ante mortem ut filium suum recognovit. Iuvenis tunc de honore regni cum Agesilao, patruo suo, contendit neque regnum obtinuit, quoniam ope Lysandri, Lacedaemoniorum ducis factiosi et violenti, Agesilaus rex creatus est.
- Latino
- Lingua Magistra 1
- Versioni dai Libri di Esercizi
