Alcibiades, Cliniae filius, Atheniensis. Nemo fuit excellentior vel in vitiis vel in virtutibus. Natus enim in amplissima civitate, formosissimus fuit; ad omnes res aptus consiliique plenus: namque imperator fuit summus et mari et terra; disertus, laboriosus, patiens, liberalis, splendidus non minus in vita quam victu; affabilis, blandus. Idem, simul ac se remiserat, luxuriosus, dissolutus, libidinosus, intemperans. Omnes enim inspiciebant in unum hominem tantam dissimilitudinem tamque diversam naturam.
- Latino
- Versioni Latinum Vertere
- Versioni dai Libri di Esercizi