Interfecto Caesare, anno urbis Romae septingentesimo fere ac nono civilia bella renovata sunt. Percussoribus enim Caesaris senatus favebat. Antonius consul partium Caesaris civilibus bellis eos opprimere conabatur. Ideo turbata re publica, multa Antonius scelera committens a senatu hostis iudicatus est. Missi sunt ad eum duo consules, Pansa et Hirtius, et Octavianus, adulescens annos decem et octo natus, Caesaris nepos, quem ille testamento heredem reliquerat et nomen suum ferre iusserat. Illi tres duces, profecti contra Antonium, eum vicerunt.
- Latino
- Versioni Latinum Vertere
- Versioni dai Libri di Esercizi
