Gallus quidam, vir ingenti corpore et statura, cum Romanos singulos ad singulare certamen provocaret, Marcus Valerius, tribunus militum, cupidus tantae procacitatis frangendae, eum petivit. Tradunt mirum prodigium tum fuisse: ubi enim Valerius armatus processit, corvus ei supra dextrum brachium sedit atque alis unguibusque oculos Galli verberavit. Itaque corvi auxilio tribunus Romanus, sine ulla difficultate, adversarium superbum ferro interemit. Qua re Romani, ad memoriam servandam huius praeclari facinoris, tribunum Corvinum cognominaverunt et eum consulem creaverunt, quamvis admodum iuvenis esset.
- Latino
- Versioni Latinum Vertere
- Versioni dai Libri di Esercizi
