Erat oppidum Alesia in colle summo, admodum edito loco, ut nisi obsidione expugnari non posset; collis radices duabus ex partibus duo flumina subluebant. Accídit ut ante id oppidum planities circiter milia passuum tria in longitudinem pateret: ex omnibus reliquis partibus colles pari altitudine oppidum cingebant. Sub muro partem collis quae ad orientem spectabat copiae Gallorum compleverant fossamque et maceriam sex in altitudinem pedum praeduxerant. Castra opportunis locis erant posita, ibique castella viginti tria exstructa sunt. In castellis interdiu stationes ita ponebantur, ut vigilarent ne hostes subito eruptionem facerent neve Romanis munimenti potirentur; haec eadem noctu excubitoribus ac firmis praesidiis tenebantur. Postquam opus institutum est, equitum turmae congrediuntur et fit equestre proelium in ea planitie quam supra demonstravimus. Summa vi contenditur, ac demum Galli in fugam coniecti sunt.
- Latino
- Lingua Magistra 1
- Versioni dai Libri di Esercizi
