Neque enim id a vobis populus Romanus exspectat neque eo potest esse contentus, si condemnetur is qui adesse non possit, et si fortes sitis in eo quem nullus civis possit defendére. Immo vero adsit, respondeat; summis opibus, summo studio potentissimorum hominum defendatur; certet mea diligentia cum illorum omnium cupiditate, vestra integritas cum illius pecunia, testium constantia cum illius patronorum minis atque potentia: tum demum illa omnia victa erunt cum in contentionem certamenque venerint.
- Latino
- Lingua Magistra 1
- Versioni dai Libri di Esercizi
