Hoc autem dicebant tentantes eum, ut possent accusare eum. Iesus autem inclinans se deorsum, digito scribebat in terra. Cum ergo perseverarent interrogantes eum, erexit se, et dixit eis: “Qui sine peccato est vestrum, primus in illam lapidem mittat”. Et iterum inclinans, scribebat in terra. Audientes autem unus post unum exibant, incipientes a senioribus: et remansit solus Iesus, et mulier in sedio stans. Erigens autem se Iesus, dixit ei: “Mulier, ubi sunt qui te accusabant? Nemo te condemnavit”. Quae dixit: “Nemo, Domine”. Dixit autem Iesus: “Nec ego te condemnabo: vade, et iam amplius noli peccare”.
- Latino
- Versioni Latinum Vertere
- Versioni dai Libri di Esercizi