In cohorte culina quam calidissimo loco designetur. Coniuncta autem habeat bubilia, quorum praesepia ad focum et orientis regionem spectent, et ortum solis. Balnearia item coniuncta sint culinae; ita enim lavationi rusticae ministratio non erit longe. Torcular item proximum sit culinae; ita enim ad olearios fructus commoda erit ministratio. Habeatque coniunctam vinariam cellam: quae habeat ab septentrione lumina fenestrarum; si enim eam sol calefacére potest, vinum quod erit in ea cella, confusum ab calore, efficietur imbecillum Olearia cella autem habeat a meridie calidisque regionibus lumen. Horrea, fenilia, pistrina extra villam aedificentur, et ita ab ignis periculo erunt villae tutiores.
- Latino
- Lingua Magistra 1
- Versioni dai Libri di Esercizi