Com'era Cesare?

Caesarem fuisse tradunt excelsà staturà, colore candido, teretibus membris, ore paulo pleniore, nigris vegetisque oculis, valitudine prospera, sed tempore extremo repente animo linqui atque etiam per somnum exterrèri solebat. Comitiali quoque morbo bis correptus est. Circa corporis curam morosior, ut non solum tonderetur diligenter ac raderetur, sed velleretur etiam, ut1quidam2exprobraverunt, calvitii vero deformitatem iniquissime toleraret quia saepe obtrectatorum iocis obnoxiam expertus erat. Ideoque et capillum revocare a vertice adsueverat et ex omnibus honoribus qui decreti erant sibi a senatu populoque non aliud aut recepit aut usurpavit libentius quam ius laureae coronae perpetuum.