Cum serpens decepisset, Dominus dixit serpenti: quia decepisti mulierem, in odium venies hominibus et animalibus; reptabis super pectus et comedes terram. Inimicitiae erunt inter te et mulierem; ipsa olim conteret caput tuum. Dixit etiam mulieri: afficiam te multis malis et servies homini. Deinde Deus dixit Adamo: quia oboedivisti uxori tuae, habebis terram infestam, ea fundet tibi spinas et carduos. Tum eiecit Adamum et Evam ex horto et collocavit angelum, qui gladio igneo custodiebat Paradisum.
- Latino
- Versioni Latinum Vertere
- Versioni dai Libri di Esercizi
