Tria singularis virtutis exempla oportet recordari: primum Cincinnati, secundum Horatii Coclitis, tertium Mucii Scaevolae. L. Q. Cincinnatus, dictator creatus, agrum quem arabat reliquit ut Aequos vinceret liberaretque exercitum L. Minucii consulis. Quo bello confecto triumphum recusavit atque in agrum suum rediit. Horatius Cocles solus pontem Sulpicium defendit, quem Romani rescindebant ut exercitum Porsennae Tiberim transire prohiberent. Ponte praecipitante in flumen ruit et armatus ad suos transnavit. Mucius Scaevola in castra Etruscorum penetravit ut Porsennam interficeret, sed pro rege scriba vulnerato, dextram manum, quae peccaverat, accenso foculo iniecit.
- Latino
- Versioni Latinum Vertere
- Versioni dai Libri di Esercizi
