L. Manlius Vulso et M. Atilius Regulus consules erant simul ac bellum in Africam transmittebatur a senatu. Contra Hamilcarem, Carthaginiensium ducem, in mari Romani pugnant et Hamilcar vincitur. Poenus dux enim sexaginta quattuor naves perdit retroque se recipit. A Romanis autem viginti duae amittuntur. Sed nostra classis per Mare Nostrum in Africam pervenit primamque Clypeam, Africae civitatem, Romani in deditionem accipiunt. Consules deinde usque ad Carthaginem cum exercitu procedunt. Manlius multa castella vastat, domum victor revertit et viginti septem milia captivorum reducuntur; Atilius Regulus autem in Africa remanet et contra Afros aciem instruit. Contra tres Carthaginiensium duces dimicat, victor est, decem et octo milia hostium caedit, quinque milia cum decem et octo elephantis capit, septuaginta quattuor civitates in fidem accipit.
- Latino
- Lingua Magistra 1
- Versioni dai Libri di Esercizi
