Etruscorum regi Porsenae qui, ex pacto, suum exercitum ab Ianiculo removerat, Romani tradiderant, ut pacis pignus praeberent, multos obsides, ex quibus erant pleraeque nobiles virgines. At una inter eas, Cloelia, noctu excubiarum custodiam elusit et tranavit Tiberim cum ceteris comitibus, quas in urbem reduxit ut eas parentibus redderet. Id iram suscitavit regis Porsenae, qui statim legatos ad Romanos misit ut peteret Cloeliam ceterasque virgines. Tunc Romani eas hostium regi reddiderunt, apud quem eae observatae et honoratae sunt. Porsena enim, cuius ira evanuerat, Cloeliam laudavit: eius enim virginis strenua res eum obstupefecerat, eamque is ad suos remisit cum obsidum parte. Romani Cloeliae statuam equestrem in via Sacra collocaverunt ut eius virtutem celebrarent.
- Latino
- Lingua Magistra 1
- Versioni dai Libri di Esercizi
