Delphinus homini amicum animal est, hominem non expavescit, ut alienum; obviam navigiis venit, adludit, certat etiam, et praeterit vela. Divo Augusto principe, delphinus, Lucrinum lacum invectus, pauperis cuiusdam puerum, in ludum litterarum itantem, qui eum panis fragmentis slliciebat, miro amore dilexit. Quocumque diei tempore, inclamatus a puero, quamvis occultus atque abditus, ex imo advolabat; praebebat ei dorsum, ut ascenderet, ac per lacum ad ludum ferebat; donec, morbo extinto puero, ad consuetum locum ventitans, nec parvum amicum inveniens, ob dolorem ipse quoque expiravit.
- Latino
- Versioni Latinum Vertere
- Versioni dai Libri di Esercizi
