Romulus urbem condidit et ex nomine suo Romam vocavit; postea multitudinem finitimorum recepit, centum suasores elegit et senatores nominavit propter senectutem. Sed Romulus et populus Romanus uxores non habebant. Quare invitaverunt ad spectaculum ludorum vicinas urbi Romae nationes et earum virgines rapuerunt. Annos triginta septem Romulus regnavit: postea in tempestate periit et transiit ad deos. Quare populus eum consecravit. Deinde in Urbe senatores imperaverunt per unum annum, antequam Romani Numam Pompilium regem creaverunt.
- Latino
- Versioni Latinum Vertere
- Versioni dai Libri di Esercizi
