Mox filia Pharaonis venit ad flumen, ut ablueret corpus. Prospexit fiscellam in arundinibus haerentem misitque illuc unam e famulis suis. Aperta fiscella, cernens parvulum vagientem, miserata est illius: “Iste est – inquit – unus ex infantibus Haebraeorum”. Tum soror pueri accedens: “Visne – inquit – ut arcessam mulierem Hebraeam, quae nutriat parvulum?”. Et vocavit matrem. Cui filia Pharaonis puerum alendum dedit, promissa mercede. Itaque mater nutrivit puerum et adultum reddidit filiae Pharaonis, quae illum adoptavit et nominavit Moysem, id est servatum ab aquis.
- Latino
- Versioni Latinum Vertere
- Versioni dai Libri di Esercizi
