Moyses Deo oboedivit: tenebat manum extensam super mare et Deus aquas divisit, quae intumescentes hinc et inde pendebant. Flavit etiam ventus vehemens et alveum exsiccavit. Tum Hebraei intraverunt in mare siccum: erat enim aqua tamquam murus a dextra et laeva. Rex quoque Aegyptius intravit cum universo exercitu; sed Dominus currus Aegyptiorum subvertit. Quare Aegyptii fugerunt. Deus dixit Moysi: “Extende rursum dexteram in mare et aquae revertent in lucum suum”. Paruit Moyses; et statim aquae obruerunt Aegyptios et currus et equites.
- Latino
- Versioni Latinum Vertere
- Versioni dai Libri di Esercizi
