Sabini, quorum virgines raptae erant, exercitum contra Romanos miserunt, sed Romanus exercitus contra stetit. Militibus Romulus et Tatius praeerant: Romulus Romano exercitui, Tatius Sabinorum. Primo impetu Sabini Romanorum exercitus cornua in fugam verterunt, sed Romulus, manus ad caelum sustulit, aedem Iovi vovit et cum sociis contra Sabinos impetum fecit. Tunc mulieres raptae se inter duos exercitus posuerunt et tandem pax conciliata est. Romulus Sabinos in suam urbem recepit et cum Tatio, Sabinorum rege, per multos annos regnavit. Romanorum rex centum ex senioribus elegit et eos propter aetatem senilem vocavit “senatum”. Olim autem subito tempestas coorta est cum magnis tonitribus, et Romulus ex omnium conspectu evolavit eiusque visus praesentibus negatus est. Romani autem Romulum pro deo coluerunt et
Quirinum appellaverunt.
- Latino
- Lingua Magistra 1
- Versioni dai Libri di Esercizi
