Infelix senex gravia onera umeris sustinebat: fessus, labore aetateque confectus divitum domus aspiciebat dicebatque: “Felicem vitam divites ducunt, in toris iucunde cubant, bene edunt, expedite ambulant; ego contra vitam duram vivo invideoque aliis”. Itaque onera deiecit Mortemque invocavit dicens: “Veni Mors: vires iam me deficiunt, melius animam efflare, melius mortem occumbere!”. Anicula tunc atrata venit dixitque: “Ego sum Mors! me invocavisti: quid cupis?”. Senex ita respondit: “Te invocavi ut onera in umeros meos tolleres”.
- Latino
- Versioni Latinum Vertere
- Versioni dai Libri di Esercizi
