Pyrrhus, Epiri rex, postquam in Italiam exercitum traduxerat, apud Heracleam et Asculum Romanos in acie profligavit, tamen innumeros milites in pugnis amisit. Romani contra novos exercitus comparaverunt et resistere parati erant. Tum rex per Cineam legatum, qui erat vir facundus atque callidus, pacem aequis mitibusque condicionibus senatui proposuit. Iam senatus ad pacem inclinabat et Pyrrhi condiciones accipere paratus erat, cum in curiam venit Appius Claudius censor, caecus et senex, quem servi lectica portabant: is auctoritate sua et gravi oratione pacem dissuasit. Itaque senatores regis condiciones respuerunt et bellum renovare statuerunt. Tum Pyrrhus copias suas in Siciliam traduxit et Graecis urbibus auxilium contra Carthaginienses tulit, ibique hostes compluribus proeliis fudit et magna cum praeda rursus in Italiam profectus est. Romani Curium Dentatum consulem contra regem cun novis copiis miserunt, qui apud urbem Maleventum hostium exercitum profligavit et Pyrrhum ex Italia eiecit.
- Latino
- Sermo et Humanitas - Compiti per le vacanze 1
- Versioni dai Libri di Esercizi