Anno decimo quarto postquam in Italiam Hannibal venerat, Romani consulem creaverunt Scipionem, qui multa in Hispania bene egerat, et senatus eum in Africam misit. Is in Africa contra Hammonem, ducem Afrorum, pugnans, exercitum eius profligat. Secundo proelio undecim milia hostium occidit et castra capit cum quattuor milibus et quingentis militibus. Deinde Syphacem, Numidiae regem, qui se Afris coniunxerat, capit et castra eius invadit. Tum Carthaginienses Hannibalem ex Italia in Africam revocant, quam Scipio vastabat, ut patriam defenderet.
- Latino
- Versioni Latinum Vertere
- Versioni dai Libri di Esercizi
