Iesus ascendit in naviculam et transfretavit et venit in civitatem suam. Et ecce portabant ei paralyticum qui iacebat in lecto. Et quia vidit Iesus fidem illorum, dixit paralytico: «Confide,1fili; remittuntur peccata tua». Et ecce scribi dixerunt intra se: «Is blasphemat». Et quia viderat Iesus cogitationes eorum, dixit: «Cur2cogitatis mala in cordibus vestris? Est enim facilius dicére: «Dimittuntur peccata tua», aut dicére: «Surge et ambula»? Tunc dixit paralytico: «Surge, tolle lectum tuum et vade in domum tuam». Et surrexit et venit in domum suam. Turbae autem, quae id viderant, timuerunt et glorificaverunt Deum, qui dedit potestatem talem hominibus.
- Latino
- Lingua Magistra 1
- Versioni dai Libri di Esercizi
