Natus est Augustus M. Tullio Cicerone C. Antonio conss.1XIIII Kal. Octob., paulo ante solis exortum, in regione Palati, ad Capita bubula,2ubi nunc sacrarium habet, quod aliquanto post quam excessit constitutum est. Nutrimentorum eius ostenditur adhuc locus in avito suburbano iuxta Velitras permodicus et cellae penuariae instar, tenetque vicinitatem opinio eum natum esse ibi. Huc ingredi nisi necessario et caste religio est,3cum opinione veteri eis, qui temere ingrendiuntur, horror quidam4et metus obiciatur. Talis opinio est mox confirmata. Nam cum possessor villae novus, seu forte seu ut temptaret, in cubiculum convenisset, evenit ut post paucissimas noctis horas exturbatus5inde subita vi et incerta et paene semianimis cum strato simul ante fores inveniretur.
- Latino
- Lingua Magistra 1
- Versioni dai Libri di Esercizi
