Tertium signum est statua Colossei, multi statuam Solis existimant, alii Romae statuam dicunt. Stabat autem signum immensum in insula Herodii super Colosseum. In dextera sphaeram gerebat et in sinistra gladium: per sphaeram mundum et per gladium gloriam bellicam significabat. Statua autem aenea tota deaurata per tenebras irradiabat. Statuam peregrini, qui in urbem veniebant, adorabant. Colossei autem statua a beato Gregorio miro modo destruebatur. Copiosum focum idolo supponebat et sic immensum simulacrum in antiquum chaos et materiam redigebat. Signi tamen testa et dextera cum sphaera tanto superfuerunt incendio et nunc ante palatium domini papae super marmoreas columnas spectaculum cunctis incolis exhibent.
- Latino
- Lingua Magistra 1
- Versioni dai Libri di Esercizi
