Aeetae Medea et Idyiae filia ex Iasone1iam filios Mermerum et Pheretem procreavit summàque concordià vivebant; sed Iaso in reprehensionem incurrebat: nam homo tam validus ac formosus ac honestus uxorem advenam atque veneficam habebat. Ei Creon Menoeci filius rex Corinthius filiam suam Glaucen dedit uxorem. Medea, quae tanta contumelia a Iasone afficiebatur, coronam ex venenis fecit auream eamque per filios suos novercae donavit. Creusa munus accepit et cum Iasone et Creonte conflagravit. Medea post regiae incendium natos suo ex Iasone Mermerum et Pheretem interfecit et profugit ab urbe Corintho.
- Latino
- Lingua Magistra 1
- Versioni dai Libri di Esercizi
