Polyphemus cyclops, Neptuni filius, qui media fronte unum oculum habebat et carnem humanam edebat, Ulixem cum sociis in spelonca inclusit. Ulixes tunc vino Cyclopem inebriavit dixitque: “Mihi nomen Nemo est”; postea eum excaecavit. Itaque cum oculum Polyphemi trunco ardenti Ulixes sociique exurerent, ille clamore suo ceteros Cyclopas convocavit dixitque: “Nemo me excaecat!”. Illi responderunt: “Si nemo te excaecat, Iuppiter unus potest te servare”. Ita Polyphemum neglexerunt. At Ulixes socios suos ad pecora adligavit et ipse ad arietem: ita Ulixes se sociosque liberavit.
- Latino
- Versioni Latinum Vertere
- Versioni dai Libri di Esercizi