C. Marius consul, flagrans desiderio occupandi castellum hostium munitissimum, secunda fortuna usus est. Forte miles quidam, e castris aquatum cum discessisset, haud procul a latere castelli animadvertit inter saxa repentes cochleas; quarum cum plures legere cuperet, paulatim prope ad summum montis egressus est, unde per tramites occultos in castelli planitiem pervenit. Locum vacuum a defensoribus conspicatus, mox ad castra remeavit eadem via, propere ad Marium consulem venit eumque hortatus est ut ab ea parte, qua ipse ascenderat, castellum adoriretur, atque pollicitus est se ducem fore praerupti itineris.
- Latino
- Versioni Latinum Vertere
- Versioni dai Libri di Esercizi
