Multi se committunt viro improbo et auxilia requirunt, sed exitium inveniunt. Columbae saepe milvum vitabant et citis pinnis milvi ferociam repellebant. Milvus autem ad fallaciam consilium vertebat et inermas columbas acuto dolo fallebat: «Columbae, sollicitum aevum ducitis; sed milvum columbarum dominum creabitis et ab iniuria tutae eritis». Columbae credulae imperium milvo tradunt. Milvus regnum obtinebat, sed singulas columbas vorabat et saevis rostris exercebat imperium. Tunc columbae reliquae dicebant: «Merito plectimur, nam scelesto milvo vitam committebamus».
- Latino
- Lingua Magistra 1
- Versioni dai Libri di Esercizi
