Datames, cum nuntium accepisset quosdam sibi insidiari, qui in amicorum numero erant, experiri voluit verum falsumne sibi esset relatum. Itaque eo profectus est, in quo itinere futuras insidias dixerant. Sed elegit corpore ac statura simillimum sui eique vestitum suum dedit atque eum ire quo ipse censuerat iussit; ipse autem ornatu vestituque militari inter corporis custodes iter facere coepit. At insidiatores, decepti vestitu, impetum in eum faciunt qui suppositus erat. Praedixerat autem Datames, iis cum quibus iter faciebat, ut parati essent facere quod ipsum vidissent. Ipse, cum concurrentes insidiatores animadvertit, tela in eos coniecit. Hoc idem cum universi fecissent, priusquam pervenirent ad eum quem agredi volebant, confixi conciderunt.
- Latino
- Versioni Latinum Vertere
- Versioni dai Libri di Esercizi
