Magistratus atque honores et ante tempus et novi generis perpetuosque cepit. Consulatum vicesimo aetatis anno invasit; Cornelius centurio, princeps legationis, qui in senatu reiecit sagulum et ostendit gladii capulum, non dubitavit in curia dicére: Octavianus id faciet, si vos non feceritis. Secundum consulatum post novem annos, tertium anno interiecto gessit, alios usque ad undecimum continuavit, multosque mox, cum praebebantur, recusavit; duodecimum magno, id est septemdecim annorum, intervallo et rursus tertium decimum biennio post ultro petiit, ut C. et Lucium filios amplissimo praeditus magistratu suo tirocinio deduceret in forum. Quinque medios consulatus a sexto ad decimum annuos gessit, ceteros aut novem aut sex aut quattuor aut tribus mensibus, secundum vero paucissimis horis. Nec omnes Romae, sed quartum consulatum in Asia, quintum in insula Samo, octavum et nonum Tarracone iniit.
- Latino
- Lingua Magistra 1
- Versioni dai Libri di Esercizi
