Inter furorem procellarum et asperas insidias scopulorum et dolos gurgitum, antiqui in mari videbant etiam Sirenas, quarum nomen homines fascinabat et quarum blandae voces saepe audiebantur. Sirenum blanditiae ad nautarum aures perveniebant et tum nautae opus remorum et rudentium intermittebant: itaque naves veloces currebant sine gubernatorum cura. Sed improvidi nautae ad rupes et ad taetram mortem a Sirenibus trahebantur. Ossa et capita nautarum mortuorum propter Sirenum insidias horrendam fraudem viatoribus monstrabant, sed dulces erant Sirenum voces et multi alii nautae in fraudem incidebant. A Sirenibus etiam animi debilium sociorum Ulixis allecti sunt; tamen callidus Ithacensis dux caros socios fascinationi fallacium Sirenum cerae auxilio subripuit.
- Latino
- Lingua Magistra 1
- Versioni dai Libri di Esercizi
