Otium nostrum iucundum est: magnas divitias non habemus et praedium nostrum exiguum est, sed satis commode vivimus. Nam magnificas aedes et marmorea pavimenta non cupimus. Circa horam primam evigilamus, hortum nostrum pererramus, fossae a servis fodiuntur et variae plantae seruntur. Ambulamus saepe per semitas et agros, interdum equitamus aut vehiculum conscendimus et campos percurrimus. Saepe in antrum opacum intramus, ibi legimus aut scribimus et umbram capimus. Post balneum est prandii hora et ab ancillis mensa ministratur. Postea tabellas accipimus et scribimus. Vicini adveniunt et eos benigne excipimus: in aperto sedemus et laeti verba facimus. Campos et saxa circumspicimus, dum procul villarum tecta iam fumant.
- Latino
- Lingua Magistra 1
- Versioni dai Libri di Esercizi
