Hercules, qui Geryoni boves mira pulchritudine subripuit, ab Oceano mari per Alpes in Italiam magno honore pervenit et in Latio a rege Evandro benigne acceptus est. Apud flumen Tiberim constitit, ubi armenta pabulo refecit: nam fluminis ripae luxuriosas herbas praebebant. Locus incolebatur a pastore Caco, qui magnum corpus habebat et rapinis vivebat: incolae enim ab eo terrebantur. Gigas noctu clam penetravit in speluncam in qua Hercules, itinere ac operibus fessus, arte dormiebat et boum furtum fecit. Prima luce Hercules, somno excitatus, oculis animalia sua perlustravit, at boves non vidit et repente furtum detexit: nam boves tum mugiverunt et Caci scelus ostentum est. Iratus Hercules sine mora Cacum deprehendit et post exiguam luctationem summa vi necavit. Itaque magnum honorem obtinuit et cum suis bobus iter renovavit.
- Latino
- Lingua Magistra 1
- Versioni dai Libri di Esercizi
