Qui gaudit laudibus subdolis, plerumque dat turpes poenas stultitiae suae. Olim corvus, stultissimum animal, de fenestra rapuit caseum quem devorare cupiebat. Callida vulpes, quae stultum animal in celsa arbore viderat, casei cupiditate flagravit et haec verba cum corvo fecit: “O corve, avis es cuius insignis est pennarum nitor et quae magnum decus in vultu et in corpore gerit. Sed vox digna non est pulchritudine tua”. Tum stultus corvus ostendere vocem desideravit; quare cibum, quem rostro tenebat, emisit, quem dolosa vulpes celeriter rapuit et avidis dentibus edit.
- Latino
- Versioni Latinum Vertere
- Versioni dai Libri di Esercizi
