Romulus imaginem urbis magis quam urbem fecerat: nam per multos annos incolae deerant. Erat in proximo antiquus lucus; Romulus eum asylum facit, et statim mira vis hominum collecta est: Latini Tuscique pastores, quidam3etiam transmarini; nam Phryges sub Aenea, Arcades sub Evandro duce influxerant. Ita ex variis elementis congregavit corpus unum, populumque Romanum rex fecit. Sed erat unius aetatis populus virorum. Itaque matrimonia, quae a nationibus finitimis petiverant sed non impetrabant, vi capta sunt. Simulaverunt ludos equestres; virgines ad spectaculum venerant et praedae fuerunt.
- Latino
- Lingua Magistra 1
- Versioni dai Libri di Esercizi