Pluton petiit ab Iove ut Proserpinam, filiam eius et Cereris, in coniugium daret. Iuppiter negavit Cererem passuram ut filia sua in Tartaro tenebricoso esset, sed iussit eum rapere eam flores legentem in monte Aetna qui est in Sicilia. In quo Proserpina dum flores cum Venere et Diana et Minerva legit, Pluton quadrigis venit et eam rapuit; postea Ceres ab Iove impetravit ut dimidia parte anni apud se, dimidia apud Plutonem esset.
- Latino
- Versioni Latinum Vertere
- Versioni dai Libri di Esercizi