Interea ad Hispanias, ubi, occisis duobus Scipionibus, nullus Romanus dux erat, Romani P. Cornelium Scipionem mittunt, filium P. Scipionis, qui ibidem bellum gesserat, vir Romanorum omnium et sua aetate et posteriore tempore fere primus. Is Carthaginem Hispaniae capit, in qua Afri habebant omne aurum et argentum et belli apparatum, nobilissimos quoque obsides, quos ab Hispanis acceperant. Magonem etiam, fratrem Hannibalis, ibidem capit, quem Romam cum aliis mittit. Romae ingens laetitia post hunc nuntium fuit.
- Latino
- Versioni Latinum Vertere
- Versioni dai Libri di Esercizi
