Themistocles non effugit civium suorum invidiam. Namque ob eundem timorem, quo damnatus erat Miltiades, testularum suffragis e civitate eiectus, Argos petivit; neque huius consilii eum paenituit; nam illic propter multas suas virtutes decoram vitam non sine dignitate vixit. Tamen Lacedaemonii legatos Athenas miserunt, et eum absentem accusarent, quod societatem cum Persarum rege ad opprimendam Graeciam fecisset. Hoc crimine absens proditionis damnatus est. Id ut audivit, quod non tutum se Argis videbat, Corcyram adiit. Ibi, cum animadvertisset principes illius civitatis timere ne propter se bellum iis Lacedaemonii et Athenienses indicerent, ad Admetum, Molossorum regem, confugit.
- Latino
- Versioni Latinum Vertere
- Versioni dai Libri di Esercizi
