Ad Laestrygonas pervenit et eorum rex Antiphates socium Ulixis devoravit navesque eius undecim confregit praeter unam, quà cum sociis suis evasit in insulam Aenariam ad Circen, Solis filiam, quae potione homines in feras bestias commutabat. Ad quam Eurylochum cum multis sociis misit, quos illa ab humana specie immutavit. Eurylochus, qui non intraverat, propter timorem inde fugit et nuntiavit Ulixi, qui solus ad eam venit; sed in itinere Mercurius ei remedium dedit. Ulixes ad Circen venit et poculum ab ea accepit, remedium Mercurii consilio coniecit ensemque strinxit et ei dixit: «Nisi socios mihi restitueris, te interficiam». Tunc Circe intellexit voluntatem deorum et socios eius ad pristinam formam restituit; ea cum Ulixe concubuit, ex quo5filios procreavit, Nausithoum et Telegonum.
- Latino
- Lingua Magistra 1
- Versioni dai Libri di Esercizi
