Inde pervenit ad lacum Avernum, ad inferos descendit, ibique invenit Elpenorem socium suum, quem ad Circen reliquerat, interrogavitque eum: «Quomodo1ad inferos pervenisti?»; cui Elpenor respondit: «Ebrius per scalam cecidi et cervices fregi; nunc te oro: si2ad superos reverteris, me sepulturae trades et mihi in tumulo gubernaculum pones». Ibi et cum matre Anticlia verba fecit de fine errationis suae. Deinde ad superos revertit et Elpenorem sepelivit et gubernaculum in tumulo ei fixit. Tum ad Sirenas, Melpomenes Musae et Acheloi filias, venit, quae partem superiorem3femineam habebant, inferiorem3autem gallinaceam. Qui earum vocum sonum audiverant, non superabant earum scopulos. Ulixes, qui monitus erat a Circe, Solis filia, sociis cerà aures obturavit seque ad arborem mali constrinxit et sic Sirenarum scopulos superavit. Inde ad Scyllam Typhonis filiam venit, quae superiorem3corporis partem femineam, inferiorem ab inguine piscis, et sex4canes habebat; eaque sex socios Ulixis consumpsit.
- Latino
- Lingua Magistra 1
- Versioni dai Libri di Esercizi
