Pompeius Magnus postquam in acie Pharsalica victus erat a Caesare, dum fuga quaerit salutem, cursum in insulam Cyprum classe direxit; cum adpulit ad oppidum Paphum, conspexit in litore speciosum aedificium gubernatoremque sic interrogavit: «Quod ei nomen est?». Qui respondit «Katobasileia vocatum est». Quae vox spem eius quae restabat conminuit, neque id dissimulanter toleravit: avertit enim oculos ab illis tectis ac dolorem, quem ex diro omine ceperat, gemitu patefecit.
- Latino
- Lingua Magistra 1
- Versioni dai Libri di Esercizi
