Agesilaus simul atque imperium obtinuerat, Lacedaemoniorum copias in Asiam emisit bellumque Persis fecit; nam Artaxerses, Persarum rex, plurimas vires comparabat et eas in Graeciam mittere optabat. Agesilaus celeriter in Asiam cum Graecis militibus venerat neque regii satrapae bellum exspectaverant neque nuntium de eo acceperant. Tissaphernes summum imperium tum inter praefectos habebat regios et Spartam legatos miserat qui indutias petiverunt, sed Agesilaus indutias praestitit at tamen simul copias comparavit. Post indutias barbarus in Cariam, territorium opulentum, totas suas copias contraxerat. At Agesilaus in Phrygiam se vertit eamque diripuit. Magna praeda milites suos locupletavit et Ephesum reduxit: ibi officinas armorum instituit et magna industria novum bellum cogitavit apparavitque.
- Latino
- Lingua Magistra 1
- Versioni dai Libri di Esercizi
