A ludi magistro fabella de cucurbita superba discipulis narratur. Parva cucurbitae planta apud magnam antiquamque pinum pariebatur et crescebat. Ramulos suos ad caelum protendebat et cum superbia altos pini ramos adspiciebat et superare cupiebat. Continenter adsurgebat cucurbita et amplis foliis antiquae pini truncum circumdabat. Saepe pino dicebat: «Assiduae pluviae mihi nova folia adiciunt et ita semper cresco: iam luxuriosa sum et mox truncum tuum adaequabo et superabo». Denique pinus protervae cucurbitae ita respondebat: «Pini per multos annos vivunt, cucurbitarum autem vita longa non est: nam veniet autumnus et tum luxuriam superbiamque cum vita amittetis!» Fabula de cucurbita et pino etiam nos hodie monet: etiam cum fortuna prospera est, superbia semper vitanda est.
- Latino
- Lingua Magistra 1
- Versioni dai Libri di Esercizi
