Patina de apua fricta. Apuas lavas, ova confringe et cum aqua commisce. Adice garum, vinum, oleum. Curabis ut ferveat et, cum ferbuerit, mittito apuas. Cum duxerint, subtiliter versa. Vide ut colorent, postea oenogarum simplex perfundes. Cum pipere asperseris, ministrabis. Pisas sive fabas coques. Cum pisae sive fabae despumaverint, mittes porrum, coriandrum et flores malvae. Cum totum coquatur, terres piper, ligusticum, origanum, feniculi semen, suffunde liquamen et vinum in caccabum, adice oleum. Cum ferbuerit, agita. Oleum viride insuper mittes et ministrabis.
- Latino
- Lingua Viva 1
- Versioni dai Libri di Esercizi
