Romulo Numa Pompilius in regnum succedit. Numa operas pacificas curabat, quia bella et arma non diligebat. Itaque multa et nova instituta condit, templa aedificat, sacerdotia constituit. Morbo decedit quadragesimo tertio anno imperii sui. Post Numam Tullus Hostilius in regnum succedit et bella reparat. Albanorum enim copias bello armis superat, Veios et Fidenas subigit, Romae Caelium adigit et oppidum novis vicis ampliat. Ubi post multos annos decedit, imperium ad Priscum Tarquinium devenit. Tarquinius primum circum aedificat, ubi ludos Romani spectabant. Multos Sabinorum agros territoriis Romae adiungit et primus triumphum intra muros oppidi celebrat. Cloacas facit quia aqua urbanas vias inquinabat . postea Capitolium aedificat. Post Tarquinium imperium Servius Tullius suscipit; genitus ex femina honesti loci, sed captiva et ancilla.
- Latino
- Nova Officina
- Versioni dai Libri di Esercizi
